衞冕王者專恰升班球隊 英超今晚開波 阿仙奴半大攻到你雲_東方日報

新一季英超正式開鑼，阿仙奴揭幕戰登場鬥升班球隊高雲地利。「兵工廠」首仗鬥高雲地利，賽程編排絕對有着數；翻查紀錄，英超衞冕球隊曾經7次於揭幕戰面對升班球隊，結果全部順利勝出，阿仙奴3分志在必得，更值得留意係「兵工廠」已經打起狀態，近5次半場全開2球或以上，今場推介1.5球半場大。

（Now 621及611周六凌晨3時直播）文:渡邊年

阿仙奴周日喺社區盾已經登場，更估唔到係3比0輕取曼城，贏波過程兵不血刃。球隊喺阿迪達帶領下，整個體系運行成熟，喺簽入般奴古馬雷斯及謝索利斯之後，實力進一步增強，其中謝索利斯更於社區盾貢獻兩個助攻，球隊可以話「一撻就着」，所以連熱身賽在內，一開波就可以搶攻，上半場經常取得入球。

「兵工廠」原則上保留上季奪冠陣容，只有基斯甸洛加特及李安度杜沙特離隊，但般奴古馬雷斯及謝索利斯足以彌補二人嘅離去，仲有實力更上一層樓嘅感覺，依家球隊中前場陣容足以排成A、B隊，而且整體實力唔差好遠，情況似足幾年前稱霸英超嘅曼城。

高雲地利輸在經驗
高雲地利上季於英冠射入97個入球，火力強勁，領隊林柏特喺轉會市場亦狂砸1億鎊增兵，包括從諾定咸森林買入射手艾禾尼爾。不過球會時隔25年重返英超，多名球員欠缺最高級別聯賽經驗，首戰好容易畀阿仙奴打亂節奏，預料「兵工廠」搶韁踢法，上半場會取得多個入球，不過半場主勝賠率乏味，轉玩半場大仲好。