猛將如雲強襲意軍 法國搶分大過天_東方日報
2026-10-02
歐國聯A1組重頭戲，法國主場迎戰意大利，由施丹執教嘅法國兩戰兩勝兼不失球，表現四平八穩，加上整體人腳質素較高，即使輪換陣容，亦要繼續搶分鞏固優勢。至於意大利上仗大炒土耳其4比1，主帥文仙尼變陣奏效，必然希望乘勝追擊，無懼同對方鬥攻，參考雙方近4次交鋒，總入球全開4球，一於再追3.5球入球大。文:Mic少
（周六凌晨2時45分開賽）
法國首兩場歐國聯都係作客，同樣以1比0分別擊敗土耳其、比利時，換言之，今仗係新帥施丹首次主場領軍出擊，別具意義，必然全力爭取1場漂亮勝仗，送畀本土球迷作為見面禮。雖然法國首席射手基利安麥巴比因傷退隊，但勝在鋒線人才濟濟，奧士文尼迪比利、巴特利巴高拿、米高奧利斯、迪斯亞杜伊都係獨當一面嘅進攻猛將，加上中場有傳射能力出眾嘅卓基策劃攻勢，火力有保證，意大利防線今非昔比，恐怕難以招架，法國入波機會高。
意大利爭出線焗攻
另邊廂，意大利聘請文仙尼回巢領軍，首場歐國聯主場吞比利時兩蛋，上場立即變陣，正選陣容作出8個調動，果然立竿見影，作客大勝土耳其4比1，上半場已經領先3球，踢出近年罕見嘅銳利攻勢。由於意大利現時只得3分在手，為爭取以前兩位出線，急需要搶分，就算作客都唔可以退縮。
不過，意大利防線並唔穩陣，文仙尼領軍兩場已失3球，遇上攻力強勁嘅法國，更加難保持清白之身。值得留意，雙方近4次對賽，法國有3次贏3比1，另一次由意大利以3比1勝出，可見兩軍碰頭，樂於合演入球騷。
（周六凌晨2時45分開賽）
法國首兩場歐國聯都係作客，同樣以1比0分別擊敗土耳其、比利時，換言之，今仗係新帥施丹首次主場領軍出擊，別具意義，必然全力爭取1場漂亮勝仗，送畀本土球迷作為見面禮。雖然法國首席射手基利安麥巴比因傷退隊，但勝在鋒線人才濟濟，奧士文尼迪比利、巴特利巴高拿、米高奧利斯、迪斯亞杜伊都係獨當一面嘅進攻猛將，加上中場有傳射能力出眾嘅卓基策劃攻勢，火力有保證，意大利防線今非昔比，恐怕難以招架，法國入波機會高。
意大利爭出線焗攻
另邊廂，意大利聘請文仙尼回巢領軍，首場歐國聯主場吞比利時兩蛋，上場立即變陣，正選陣容作出8個調動，果然立竿見影，作客大勝土耳其4比1，上半場已經領先3球，踢出近年罕見嘅銳利攻勢。由於意大利現時只得3分在手，為爭取以前兩位出線，急需要搶分，就算作客都唔可以退縮。
不過，意大利防線並唔穩陣，文仙尼領軍兩場已失3球，遇上攻力強勁嘅法國，更加難保持清白之身。值得留意，雙方近4次對賽，法國有3次贏3比1，另一次由意大利以3比1勝出，可見兩軍碰頭，樂於合演入球騷。