皇蘇B隊唔敢亂谷 沙巴度爾慢熱吼半和_東方日報

今日二線波做主打，西乙獨腳戲沙巴度爾主場迎戰皇家蘇斯達B隊。兩隊狀態都曳爆，正宗海軍鬥水兵，沙巴度爾喺比賽初段分外保守，半場和不妨再追。（周二凌晨3時30分開賽）文:法達斯維

由於上輪西乙特內里費對FC安道爾之役，特軍前鋒迪米基爾被對方門將奧禾奴膝撞胸口，導致心臟驟停不幸離世，西班牙球員工會一度呼籲取消今輪全國各級賽事，但最終仍如期舉行，不過亦令人關注比賽安全問題。言歸正傳，沙巴度爾同皇家蘇斯達B隊近況都唔係好掂，沙軍位處中游，近6場聯賽只得1勝3和2負，不過其中5次半場打和，可見佢哋初段有氣有力之下，可藉保守戰術打成均勢。

基斯華拉倫加大駁火
皇蘇B隊仲衰，近7場聯賽輸咗6場，單計客場聯賽更加3連敗，難怪徘徊喺降班區域，何況對手沙巴度爾主場特別硬淨，今季5次主場出擊獲3勝2和未輸過，皇蘇B隊更加唔敢輕舉妄動，預計初段會係拉鋸局面，捧半場和博早啲收錢。

另一場推介挪超，基斯迪辛德主場對華拉倫加。基斯迪辛德有前冇後，近6場正式賽事全部有失波，當中5次開4球或以上，而華拉倫加一向崇尚進攻，近4場共入10粒，有3次開4球或以上，鬥攻格局揀3.5球大盤最上算。