沙職：希拉爾跌watt讓唔起吉達艾阿里_東方日報
2026-02-02
沙特職直播大戰，「1哥」希拉爾主場硬撼吉達艾阿里。希拉爾連續兩場聯賽失分，被打窒道氣，好難頂得住來勢洶洶嘅吉達艾阿里來犯，「讓球主客和」吉達艾阿里仲有得受讓，讓球客勝咪錯過。（on.cc東網周二凌晨1時30分直播）文:法達斯維
之前贏到開巷嘅希拉爾，更反壓C朗助陣嘅艾納斯升上榜首，氣勢一時無兩。可惜長路有盡時，希拉爾忽然高處不勝寒，近兩仗接連失分，作客只能打和艾利雅德同艾卡迪沙，尤其係上場對艾卡迪沙先入波，但後防不穩連失2粒，最終要靠末段入波先搶番1分，可見氣勢大不如前，加上艾納斯同吉達艾阿里亦步亦趨，令希拉爾壓力愈來愈大，隨時畏首畏尾。
艾雲東尼着晒火
相反，第3位嘅吉達艾阿里依家當頭起，聯賽豪取8連勝，包括擊敗艾納斯同艾塔亞文等前列分子，只係落後希拉爾3分，射手艾雲東尼更加着晒火，連場入波後，以18球殺上射手榜榜首，配合馬列斯等支援，呢位英格蘭前鋒唔愁冇數胡機會。況且雙方近5次碰頭，吉達艾阿里只係輸過1次咁大把，弗到咁冇得拗頸，讓球客勝（+1）簡直係筍到暈，如果有信心，不妨直取客勝。
之前贏到開巷嘅希拉爾，更反壓C朗助陣嘅艾納斯升上榜首，氣勢一時無兩。可惜長路有盡時，希拉爾忽然高處不勝寒，近兩仗接連失分，作客只能打和艾利雅德同艾卡迪沙，尤其係上場對艾卡迪沙先入波，但後防不穩連失2粒，最終要靠末段入波先搶番1分，可見氣勢大不如前，加上艾納斯同吉達艾阿里亦步亦趨，令希拉爾壓力愈來愈大，隨時畏首畏尾。
艾雲東尼着晒火
相反，第3位嘅吉達艾阿里依家當頭起，聯賽豪取8連勝，包括擊敗艾納斯同艾塔亞文等前列分子，只係落後希拉爾3分，射手艾雲東尼更加着晒火，連場入波後，以18球殺上射手榜榜首，配合馬列斯等支援，呢位英格蘭前鋒唔愁冇數胡機會。況且雙方近5次碰頭，吉達艾阿里只係輸過1次咁大把，弗到咁冇得拗頸，讓球客勝（+1）簡直係筍到暈，如果有信心，不妨直取客勝。