永隆体育网赛事分析百家贴士浏览文章
韓聯:地頭龍強勢出擊 金泉尚武主W啱心水_東方日報
2024/7/9 14:55:19
今晚韓職有「1哥」金泉尚武主場迎戰FC水原。金泉尚武今季異軍突起,主場成績彪炳係關鍵,以其近5主場贏4次氣勢,絕對唔赦FC水原來犯,主勝放心捧場。(無綫myTV SUPER周二晚6時30分直播)

韓職近年都係畀蔚山HD玩晒,不過今季有啲唔同,傳統勁旅全北汽車淪落到包尾,前面幾隊爭冠形勢激烈,金泉尚武、蔚山HD、浦項制鐵、FC江原,4隊只有3分差距,而且排榜首嘅竟然係金泉尚武,令人驚喜。要知道金泉尚武近幾季都係韓職升降機,今季先再升番上韓職,明顯係列強未摸清呢班波嘅底細,殺各隊一個措手不及,呢支上季韓乙冠軍憑乜嘢力壓群雄?就係靠主場搵食,開咧後21場聯賽所取得嘅40分中,主場就佔咗23分,單計近5場主場就錄得4勝1和,主場出擊有保證。

下游大戰FC大邱秤先
FC水原雖然排緊第5位,但已落後金泉尚武6分,明顯級數有別,而且10場作客贏得4場之餘,只係入得11粒,係前6球隊中作客入波最少球隊,不宜高估。由於爭標各隊咬得好緊,金泉尚武想締造升班即奪冠嘅奇迹,今仗不容有失,鬥心必堅下,主勝捧得過。

同時間開波嘅另一韓職,由FC大邱主場對仁川聯。兩軍都係於下游掙扎,可以話係海軍鬥水兵,仁川聯更加連續7場聯賽未贏過,FC大邱之前3場僅得1和2負,不過對手係爭標分子蔚山HD、金泉尚武同浦項制鐵,贏唔到亦無話可說,查實佢哋近5場主場獲3勝1和1負,表現唔差,主勝有計。

声明:本网资讯仅供体育爱好者浏览、购买中国足彩参考之用。任何人不得用于非法用途,否则责任自负。本网所登载广告均为广告客户的个人意见及表达方式,和本网无任何关系。
链接的广告不得违反国家法律规定,如有违者,本网有权随时予以删除,并保留与有关部门合作追究的权利。